Kapet “bossi” i drogës në Kolombi

Amerika

Kapet “bossi” i drogës në Kolombi

Më: 24 tetor 2021 Në ora: 08:11
Dairo Antonio Usuga, i njohur si Otoniel

Është kapur trafikanti më i kërkuar i drogës në Kolumbi dhe kreu i bandës më të madhe kriminale në vend.

Dairo Antonio Usuga, i njohur si Otoniel, u kap pas një operacioni të përbashkët nga ushtria, forcat ajrore dhe policia të shtunën.

Qeveria kishte ofruar një shpërblim prej 800 mijë dollarësh (582 mijë £) për informacion rreth vendndodhjes së tij, ndërsa ShBA vendosi një shpërblim prej 5 milionë dollarësh për kokën e tij.

Presidenti Iván Duque përshëndeti kapjen e Otoniel në një video mesazh televiziv, raporton BBC.

“Kjo është goditja më e madhe ndaj trafikimit të drogës në vendin tonë këtë shekull”, tha ai. “Kjo goditje është e krahasueshme vetëm me rënien e Pablo Escobar në vitet 1990.”

Otoniel u kap në shtëpinë e tij rurale në provincën Antioquia në Kolumbinë Veri-Perëndimore, afër kufirit me Panamanë. Ndërsa detajet e operacionit ende nuk janë publikuar, presidenti tha se një oficer policie u vra gjatë këtij operacioni.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat