Pesë të vdekur dhe mbi 40 të lënduar pasi një makinë “përplaset” në një paradë në Wisconsin, SHBA

Amerika

Pesë të vdekur dhe mbi 40 të lënduar pasi një makinë “përplaset” në një paradë në Wisconsin, SHBA

Më: 22 nëntor 2021 Në ora: 07:40
Foto ilustrim

Pesë persona kanë vdekur dhe mbi 40 janë lënduar pasi një makinë u përplas në një paradë në Wisconsin, thotë policia.

Pamjet e postuara në internet tregojnë një automjet sportiv të kuq (SUV) duke kaluar nëpër një paradë të Krishtlindjeve në qytetin e Waukesha, në perëndim të Milwaukee, rreth orës 16:40 me kohën lokale.

Shefi i policisë Dan Thompson tha se sulmi goditi dhjetëra njerëz, përfshirë fëmijë.

Një person ndodhet në paraburgim dhe incidenti nuk duket të jetë një akt terrorist në këtë moment, thanë zyrtarët.

I dyshuari dukej se ishte duke ikur nga një skenë tjetër kur u përplas me njerëz në paradë, tha një zyrtar i zbatimit të ligjit i njohur me gjetjet e hershme të hetimit për partnerin amerikan të BBC-së, CBS News.

Banori lokal Angelito Tenorio tha për gazetën Milwaukee Journal Sentinel se sapo kishte përfunduar marshimin në paradë kur ndodhi incidenti.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat