Varianti Omicron mbërrin edhe në Kanada – dy persona rezultojnë pozitivë

Amerika

Varianti Omicron mbërrin edhe në Kanada – dy persona rezultojnë pozitivë

Më: 29 nëntor 2021 Në ora: 00:26
Foto ilustrim

Dy raste të variantit të ri të COVID-19, Omicron, janë konfirmuar në Kanada, njoftuan zyrtarët qeveritarë të dielën.

“Sot, provinca e Ontarios ka konfirmuar dy raste të variantit Omicron të COVID-19 në Otava. Të dyja janë raportuar në individë me udhëtime të fundit nga Nigeria”, ka thënë Christine Elliott, zëvendëskryeministre dhe ministre e shëndetësisë, dhe Dr. Kieran Moore, shefi mjekësor i shëndetësisë.

“Shëndeti Publik i Otavës po kryen menaxhimin e rasteve dhe kontakteve dhe pacientët janë në izolim”, është thënë më tej.

Kanadaja, ashtu si SHBA-ja, ka ndaluar udhëtimin nga Afrika e Jugut – e cila ka numrin më të madh të rasteve – dhe shtatë vende të rajonit. Por Nigeria nuk është një nga vendet në listën e ndaluar.

Eric Feigel-Ding, një epidemiolog, tha për DailyMail.com të premten se ai besonte se varianti i ri tashmë është ‘ndoshta në mbarë botën’.

Një paciente në Belgjikë që rezultoi pozitiv – i pari në Evropë – nuk kishte qenë në Afrikën Sub-Sahariane.

Ajo kishte udhëtuar në Egjipt përmes Turqisë dhe rezultoi pozitive për Omicron në kthimin e saj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat