Detaje të reja rreth ngjarjes, policia në Teksas po negocion me burrin që duket se ka marrë pengje në një sinagogë

Amerika

Detaje të reja rreth ngjarjes, policia në Teksas po negocion me burrin që duket se ka marrë pengje në një sinagogë

Më: 16 janar 2022 Në ora: 00:23
Policia në Teksas

Policia në shtetin amerikan të Teksasit po negocion me një burrë që duket se ka marrë të paktën katër pengje në një sinagogë në qytetin Colleyville.

Sipas BBC, nuk dihet nëse ai është i armatosur apo nëse dikush është lënduar.

Shërbimi po transmetohej drejtpërdrejt kur filloi incidenti.

Që atëherë transmetimi është hequr, por jo përpara se një burrë i zemëruar të dëgjohej duke thënë se nuk donte që dikush të lëndohej.

Policia vendosi ekipe speciale të armëve dhe banorët vendas u evakuuan.

Po siç shkruan BBC, të paktën katër pengje – përfshirë rabinin – besohet të jenë brenda sinagogës, thanë dy zyrtarë të zbatimit të ligjit për Associated Press në kushte anonimiteti.

Presidenti Joe Biden “është informuar për situatën në zhvillim të pengjeve në zonën e Dallasit”, tha në Twitter sekretarja e shtypit e Shtëpisë së Bardhë Jen Psaki.

Ndërkohë një transmetim i drejtpërdrejtë i shërbimit të mëngjesit Shabbat në Facebook kapi audion e një burri duke folur me zë të lartë.

Ai mund të dëgjohej duke thënë: “Ti merr motrën time në telefon” dhe “Unë do të vdes”

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat