​Shtëpia e Bardhë: SHBA po përgatitet për të gjithë skenarët e krizës ukrainase

Amerika

​Shtëpia e Bardhë: SHBA po përgatitet për të gjithë skenarët e krizës ukrainase

Më: 24 janar 2022 Në ora: 21:37
Presidenti amerikan, Joe Biden

Shtetet e Bashkuara janë duke përshtatur dhe përsosur planet e tyre ushtarake për të gjithë skenarët e krizës ukrainase, tha sot Shtëpia e Bardhë, ndërsa Uashingtoni po shqyrton forcimin e forcave të NATO-s në Krahun Lindor të Aleancës, përcjell Reuters.

Zëdhënësja e Shtëpisë së Bardhë, Jean Psaki, tha se Shtetet e Bashkuara "kurrë nuk e përjashtuan opsionin e ofrimit të ndihmës për vendet në krahun lindor të NATO-s edhe para çdo pushtimi" të Rusisë në Ukrainë.

Presidenti Joe Biden u takua me ekipin e sigurisë kombëtare në rezidencën e tij në Camp David të shtunën, kur u informua për opsionet për vendosjen e trupave amerikane në Evropën Lindore në përgjigje të vendosjes së shtuar të forcave të armatosura ruse përgjatë kufirit me Ukrainën.

Sipas Reuters, presidenti amerikan do të zhvillojë një video-takim të mbyllur nga Dhoma e Situatës në Shtëpinë e Bardhë mbi temën e krizës ukrainase me liderë të shumtë evropianë gjatë ditës së sotme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat