Pentagoni pret që më shumë se 20 vende të marrin pjesë, javën e ardhshme, në bisedimet për mbrojtje, të cilat do të fokusohen në Ukrainë. Nikoqir i bisedimeve do të jetë Gjermania dhe ato do të fokusohen pjesërisht në nevojat afatgjata të mbrojtjes së Kievit, tha Pentagoni të premten, më 22 prill.
Zëdhënësi i Pentagonit, John Kirby, dukej se uli pritshmëritë nga shpallja e ndihmës afatgjatë në bisedimet e shpallura për të martën, më 26 prill, duke thënë:
“Ne nuk po hyjmë në këtë paraprakisht me një seri përfundimesh të përgatitura këtu”, raporton Reuters.
.@PentagonPresSec: @SecDef will host a number of his counterparts for a Ukraine Defense Consultative Group next week (April 26) at @RamsteinAirBase. pic.twitter.com/9vqHTXmVvo
— Department of Defense 🇺🇸 (@DeptofDefense) April 21, 2022
Kirby shtoi se rreth 40 vende janë ftuar në bisedimet, të cilat nuk organizohen nën kujdesin e Organizatës së Traktatit të Atlantikut të Veriut (NATO), ndërkaq që përfshijnë edhe vende joanëtare të NATO-s.
