Biden thotë se ShBA-ja do të ndërhyjë me ushtri për të mbrojtur Tajvanin

Amerika

Biden thotë se ShBA-ja do të ndërhyjë me ushtri për të mbrojtur Tajvanin

Më: 23 maj 2022 Në ora: 14:05
Joe Biden

Presidenti amerikan Joe Biden ka thënë se Shtetet e Bashkuara të Amerikës do të ndërhyjnë ushtarakisht nëse Kina do të pushtojë Tajvanin, duke shtuar se barra për të mbrojtur Tajvanin është “edhe më e fortë” pas pushtimit rus të Ukrainës.

Komentet e Bidenit ishin ndër deklaratat më të forta presidenciale amerikane në mbështetje të vetëqeverisjes në dekadat e fundit.

Duke folur në një konferencë në Tokio, Biden tha “po” kur u pyet nëse ai ishte i gatshëm të përfshihej ushtarakisht për të mbrojtur Tajvanin nëse Kina e fillon pushtimin.

“Ky është zotimi që kemi marrë”, shtoi ai.

ShBA-ja tradicionalisht e ka shmangur dhënien e garancive të tilla të qarta të sigurisë për Tajvanin, me të cilin nuk ka më një traktat të mbrojtjes reciproke.

Akti i Marrëdhënieve me Tajvanin i vitit 1979, i cili ka rregulluar marrëdhëniet e SHBA-së me ishullin, nuk kërkon që ShBA -ja të ndërhyjë ushtarakisht për të mbrojtur Tajvanin nëse Kina e pushton, shkruan Euronews.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat