SHBA redukton sasinë e nikotinës në cigare

Amerika

SHBA redukton sasinë e nikotinës në cigare

Më: 24 qershor 2022 Në ora: 10:36
Foto ilustrim

Shtëpia e Bardhë ndërmerr një hap tjetër për të reduktuar konsumin e duhanit në SHBA. Pirja e duhanit mbetet shkaku kryesor i vdekjeve në SHBA.    

Shtëpia e Bardhë publikoi një plan për reduktimin në nivele minimale të sasisë së nikotinës në cigaret që shiten në SHBA.

Qëllimi është të lehtësohet lënia ose parandalimi i nisjes së pirjes së duhanit.

Image
Foto ilustrim

Pirja e duhanit mbetet shkaku kryesor i vdekjeve në SHBA. Sipas përllogaritjeve të Qendrave për Kontrollin dhe Parandalimin e Sëmundjeve (CDC) numri i të vdekurve prej konsumit të duhanit ështe rreth 480,000 çdo vit.

Image
Foto ilustrim

Nisma kërkon që Administrata e Ushqimit dhe e Barnave (FDA) të zhvillojë dhe më pas të publikojë një rregull, i cili ka shumë gjasa se do të kundërshtohet nga industria e duhanit.

"Nikotina shkakton varësi të madhe," tha komisioneri i FDA, Robert Califf. "Nëse i bëjmë cigaretdhe produktet e tjera të duhanit të djegshëm që të mos shkaktojnë varësi, kjo do të ndihmonte në shpëtimin e jetëve."/DW

commentFirst article
Sot mund të lexoni Shfletoni kopertinat