Kaos në rrugët e SHBA-ve, protestuesit që mbështesin abortin djegin flamurin amerikan

Amerika

Kaos në rrugët e SHBA-ve, protestuesit që mbështesin abortin djegin flamurin amerikan

Më: 25 qershor 2022 Në ora: 13:30
Foto ilustrim

Protestuesit pro abortit në Uashington, D.C. dogjën flamurin amerikan të premten mbrëma pas vendimit të Gjykatës së Lartë të SHBA-së për të shfuqizuar të drejtën ligjore 50-vjeçare të grave për abort.

Protestuesit dogjën flamurin amerikan pranë kryqëzimit të D St. NW dhe 7th St SW në Uashington, D.C, raporton foxnews.

Protesta ka pasur edhe në qytetin e New Yorkut, ku raportohet se deri më tani janë arrestuar njëzet demonstrues.

Protestuesit mund të dëgjoheshin duke brohoritur ndërsa flamuri amerikan u dogj në Washington, D.C.

Raportohet se në të gjitha shtetet amerikane pritet të mbahen protesta duke kundërshtuar vendimin e gjykatës.

Ndryshe, Gjykata Supreme e Shteteve të Bashkuara hoqi të drejtën ligjore për abort, gjegjësisht vendosi se nuk ekziston e drejta kushtetuese për abort dhe se çdo shtet mund të vendosë individualisht për legalizimin ose penalizim.

Kjo anuloi vendimin historik të vitit 1973, i cili pengoi disa shtete amerikane të ndalonin abortin. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat