“Ajo ishte 12 e unë 30 vjeç”, komenti i Bidenit që po trondit internetin

Amerika

“Ajo ishte 12 e unë 30 vjeç”, komenti i Bidenit që po trondit internetin

Më: 24 shtator 2022 Në ora: 12:28
Joe Biden

Presidenti amerikan Joe Biden është bërë sërish lajm me komentin e tij të fundit për një miqësi që kishte me një vajzë 12-vjeçare kur ai ishte 30 vjeç.

Sipas Fox News, udhëheqësi demokrat të premten po mbante një fjalim në Shoqatën Kombëtare të Arsimit, sindikata më e madhe e mësuesve në vend, kur ai me sa duket njohu një grua në turmë dhe ndaloi komentet e tij mbi ndryshimin e klimës për ta vënë në dukje atë.

“Duhet të më përshëndesni”, tha Biden në mes të fjalimit. “Ne kthehemi shumë prapa. Ajo ishte 12 vjeçe, unë 30. Por gjithsesi, kjo grua më ndihmoi të bëja shumë”, shtoi presidenti amerikan.

Biden nuk tha se për çfarë po i referohej, mirëpo audienca e mësuesve dhe anëtarëve të sindikatave qeshën dhe brohoritën me fjalët e Presidentit.

Megjithatë, në rrjetet sociale, disa përdorues të internetit i panë komentet e tij shqetësuese. Ndërsa disa përdorues e quanin atë “rrëqethës”, të tjerët thjesht mbetën të habitur se për çfarë mund t’i referohej miqësisë së tij me një 12-vjeçare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat