Sekretari amerikan i Shtetit, Marco Rubio, të shtunën tha se hyrja e dronëve rusë në hapësirën ajrore polake këtë javë ishte e papranueshme, por se ende nuk ishte e qartë nëse Rusia i kishte dërguar qëllimisht dronët në territorin polak.
"Ne mendojmë se është një zhvillim i papranueshëm, i pafat dhe i rrezikshëm", u tha Rubio gazetarëve para se të nisej për një udhëtim në Izrael dhe Britani.
NATO njoftoi të premten planet për të forcuar mbrojtjen e krahut lindor të Evropës.
Kjo ndodhi pasi Polonia rrëzoi dronë që kishin shkelur hapësirën e saj ajrore, duke qenë kështu hera e parë që një anëtar i aleancës perëndimore qëllon gjatë luftës së Rusisë në Ukrainë.
