Një familje me 5 anëtarë janë gjetur të vdekur në Pensilvani në Shtetet e Bashkuara të Amerikës. Dy prindërit dhe tre fëmijët u gjetën në banesën e tyre me shenja plumbash në trup. Nuk dihet nëse ëshët vrasje apo vetëvrasje dhe as shkaku u i kësaj tragjedie.
Pesë perosna janë gjetur të vdekur në juglindje të Pensilvanisë në atë që paraprakisht duket si një vrasje vetvrasje. Lajmi është bërë i ditur nga mediat lokale të cilat citojnë autoritet policore.
Pesë anëtarët e familjes, dy prindërit dhe tre fëmijët, u gjëtën pa jetë me shenjat e plumbave në trup në banesën e tyre në Sinking Spring, rreth 100 kilometër nga kryeqyteti Harrisburg, raporton gazeta Reading Eagle në faqen e saj të internetit.
Viktimat u zbuluan të shtunën në mbrëmje, pasi hetuesit mbërritën në vendin e ngjarjes me urdhër për të kontolluar shtëpinë. Arsyeja e lëshimit të urdhrit nuk është bërë e ditur nga autoritet vendase.
Mosha e viktimave nuk është bërë ende e ditur, por familja u bë njohur mediatikisht në vitin 2014, pasi një prej fëmijëve, vetëm 5 muajsh kishte kryer një transplant zemre. Autoritet ndodhen në vendin e ngjarjes, ku po hetojnë provat, me qëllim gjetjes së shkaqeve që kanë cuar në këtë tragjedi.
