Presidenti i zgjedhur Donald Trump tha se Shtetet e Bashkuara do të krijojnë "zona të sigurta" në Siri, reagimi i tij i parë në një situatë lufte, pas zgjedhjes si lideri i ardhshëm i Shtëpisë së Bardhë .
"Ajo që po ndodh në Siri, është kaq e trishtuar - tha ai gjatë një tubimi - "Është kaq e trishtuar dhe ne do t’i ndihmojmë njerëzit atje. Ne do të ndërtojmë dhe do ndihmojmë në projektimin e zonave të sigurta në Siri, në mënyrë njerëzit do të kenë një shans për të jetuar. "
Trump kishte folur edhe gjatë fushatës në lidhje me ndërtimin e zonave të sigurta por kjo është hera e parë që e përsërit këtë propozim pas zgjedhjes si president. Disa analistë dhe komandantë ushtarakë kanë paralajmëruar se kjo do të ishte një nismë e rëndësishme dhe potencialisht e rrezikshme në një fushëbetejë komplekse mbi të cilën aeroplanët rusë janë pothuajse gjithmonë të pranishëm.
Deklarata e tij erdhi para se të ndërpritej evakuimi në Alepo nga qeveria siriane e Bashar al-Assad.