Presidenti i zgjedhur Donald Trump tha se kërkon “të forcojë dhe zgjerojë” kapacitetet bërthamore të Shteteve të Bashkuara.
Zoti Trump tha në Tweeter sot se Shtetet e Bashkuara duhet të ndërmarrin veprime të tilla “derisa bota të kuptojë seriozitetin e armëve bërthamore”.
((https://twitter.com/realDonaldTrump/status/811977223326625792))
Deklarata e zotit Trump vjen një ditë pasi presidenti rus Vladimir Putin bëri komente të ngjashme duke thënë se arsenali bërthamor i vendit të tij duhet “të shtohet në mënyrë të konsiderueshme.”
Gjatë një fjalimi për fushata të ndryshme ushtarake që Rusia ka nisur në vitin 2016, zoti Putin tha se përmirësimet janë të nevojshme për të “neutralizuar çdo kërcënim ushtarak”.
