Presidenti i zgjedhur amerikan Donald Trump, ka thënë se kancelarja gjermane Angela Merkel ka bërë një "gabim të madh" duke lejuar më shumë se një milion emigrantë të hyjnë në Gjermani.
Ai tha se zonja Merkel ishte larg nga lideri më i rëndësishëm në Evropë, dhe se BE-ja ishte bërë një mjet për Gjermaninë.
Këto komente rreth qëllimeve të tij të politikës së jashtme Trump i bëri në një intervistë për gazetat britanike dhe gjermane.
Ai tha për The Times dhe Bild se prioriteti i tij është që të krijojë marrëveshje të drejta tregtare për SHBA-në dhe fuqizimin e kufijve.
Ai tha se SHBA është dashur të adresojë deficitin e saj tregtar me pjesën tjetër të botës, veçanërisht me Kinën.
