Dy agjentë brazilianë reklamash, të arrestuar në kuadër të një skandali të gjerë korrupsioni të quajtur “Pastrimi ekspres”, dëshmuan se kanë marrë milionë dollarë ryshfete, kryesisht nga presidenti i Venezuelës Nicolas Maduro, për të financuar fushatën e paraardhësit të tij Hugo Chavez, në vitin 2012.
Në atë periudhë, Maduro ishte ministër i Punëve të Jashtme i Chavez.
”Maduro më paguante pothuajse çdo javë, drejtpërdrejtë në ministri dhe më dorëzonte paratë’, pohoi Monica Moura, bashkëshortja dhe partnere në bizneset e Joao Santana, menaxher në një kompani publicitare e ngarkuar për fushatat presidenciale të Dilma Rousseff në vitin 2010 dhe 2014.
Të dy u dënuan në muajin shkurt me tetë vite burg për pastrim parash në kuadër të aferës ”Petrobras”, skandali më i madh i korrupsionit në historinë e Brazilit dhe po bashkëpunojnë që nga shpallja e vendimit me drejtësinë me shpresën për të përfituar ulje të dënimit.
