Presidenti amerikan, Donald Trump ka njoftuar përmes një postimi në Twitter se Koreja Veriore ka liruar tre të burgosur amerikanë.
Ai ka deklaruar se ata janë duke u kthyer në SHBA së bashku me Sekretarin amerikan të Shtetit, Mike Pompeo.
Trump po ashtu ka thënë se tashmë është caktuar data dhe vendi ku do të takohet presidenti amerikan me liderin verikorean, Kim Jong Un.
I am pleased to inform you that Secretary of State Mike Pompeo is in the air and on his way back from North Korea with the 3 wonderful gentlemen that everyone is looking so forward to meeting. They seem to be in good health. Also, good meeting with Kim Jong Un. Date & Place set.
— Donald J. Trump (@realDonaldTrump) May 9, 2018
Trump dhe Kim kanë shkëmbyer deklarata të ashpra kundër njëri-tjetrit në të kaluarën për shkak të programit bërthamor dhe raketave balistike të Koresë Veriore.
