Trump sulmon "armiqësinë e mediave" pas lajmit për pakot shpërthyese - Bota Sot
Trump sulmon "armiqësinë e mediave" pas lajmit për pakot shpërthyese

Amerika

Trump sulmon "armiqësinë e mediave" pas lajmit për pakot shpërthyese

Më: 25 tetor 2018 Në ora: 08:04
Presidenti amerikan, Donald Trump.

Presidenti amerikan, Donald Trump u ka bërë thirrje mediave “të ndalin armiqësinë e pafund” pasi disa pako me material shpërthyes janë nisur drejt adresave të figurave të larta politike.

Ai i ka bërë këto deklarata pasi pakot janë dërguar në zyrën e CNN-it në Nju Jork dhe demokratëve, Barack Obama dhe Hillary Clinton.

Asnjëra nga pakot nuk ka shpërthyer, mirëpo FBI-ja ka nisur kërkime për të kuptuar kush qëndron mbrapa dërgesave.

Kritikët e presidentit amerikan i kanë cilësuar deklaratat e fundit të Trumpit, hipokrike, meqë ai shumë shpesh shprehet me fjalor brutal kundër kundërshtarëve të tij dhe shtypit.

“Pajisje shpërthyese” u dërguan në adresë të Clintonit, Obamas dhe CNN-it

Duke folur të mërkurën në një tubim në Viskonsin, presidenti Trump është zotuar për zënien e kryesit të këtij akti, derisa u ka bërë thirrje mediave të ndalin “raportet dhe sulmet negative”.

Ndërkohë presidenti rrjetit televiziv, CNN, Jeff Zucker ka kritikuar Trumpin dhe Sekretaren për media të Shtëpisë së Bardhë, Sarah Sanders që sipas tij nuk kuptojnë që “fjalët vlejnë”.

“Ekziston një mungesë e plotë në Shtëpinë e Bardhë e të kuptuarit lidhur me seriozitetin e sulmeve të tyre të vazhdueshme në media”, ka thënë ai.

Edhe kryetari i Nju Jorkut, Bill de Blasio i ka cilësuar tentimet për sulme ndaj CNN-it dhe demokratëve si “akt të terrorit”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...