Një pjesë mirë e murit të famshëm të Donald Trump është prezantuar për herë të parë, por ka një problem: nuk është mur. Është gardh.
Presidenti amerikan ka folur shumë herë për dëshirën e madhe për të ndërtuar një “mur të madh e të bukur” përgjatë kufirit me Meksikën.
Megjithatë, ajo që është quajtur nga administrata e presidentit “plotësimi i fazës së parë të murit”, është një gardh i lartë.
Prezantimi bëhet ndërkohë që nëpër Meksikë po marshon një karvan me ndoshta 7000 emigrantë nga Hondurasi e vende të tjera, të cilët janë të vendosur të futen në SHBA.
Prej kësaj situate, Pentagoni ka miratuar kërkesën për të dërguar rreth 800 trupa ushtarakë në kufi.