Lirohet nga spitali sulmuesi i dyshuar i sinagogës në SHBA

Amerika

Lirohet nga spitali sulmuesi i dyshuar i sinagogës në SHBA

Më: 29 tetor 2018 Në ora: 18:10
Robert Bowers

I akuzuari për vrasjen e 11 personave në një sinagogë në qytetin Pitsburg të Shteteve të Bashkuara u lirua nga spitali dhe pritet të dalë para gjykatës, thanë autoritetet.

Robert Bowers, 46 vjeç, u ngarkua me 29 akuza për, siç thanë prokurorët federalë, krim nga urrejtja.

Të mbijetuarit thanë se ai ka brohoritur "të gjithë hebrenjtë duhet të vdesin" teksa ka hapur zjarr në tempullin "Tree of Life" të shtunën.

Bowers u qëllua disa herë nga policia, e cila iu përgjigj sulmit.

Disa akuza kundër tij bartin dënimin me vdekje.

Autoritetet e përshkruan sulmin si më vdekjeprurësin ndaj komunitetit hebre në historinë e Shteteve të Bashkuara.

Dy të mbijetuar mbeten në gjendje kritike për jetën.

commentFirst article
Sot mund të lexoni Shfletoni kopertinat