Shefi i demokratëve në Komitetin e Inteligjencës së Dhomës së Përfaqësuesve të Kongresit të SHBA-së, Adam Schiff, mendon se presidenti Donald Tramp nuk është i sinqertë kur thotë se nuk ka prova të mjaftueshme në raportin e Agjencisë Qendrore të Inteligjencës (CIA) për fajësimin e princit saudit Muhammed bin Salman për vrasjen e gazetarit Jamal Khashoggi.
Trump tha të enjten se raporti i CIA-s nuk është afër përfundimit, kujton AP.
Schiff, i cili së shpejti do të marrë përsipër pozitën e kryetarit në Komisionin e Inteligjencës, tha se do të inspektojë lidhjet financiare të Trump me Arabinë Saudite dhe nëse "interesi personal" i tij e formëson politikën amerikane ndaj atij vendi.
Sipas fjalëve të Schiff, Trump "u dërgon despotëve një mesazh se ai do t’ua ruajë shpinën” nëse ata bëjnë biznes me të.
