Presidenti i SHBA-së, Donald Trump nënshkroi sot formimin e një komande të re nga Pentagoni, atë të Forcave Hapësinore.
Qëllimi i kësaj komande është të organizojë më mirë dhe të avancojë operacionet ushtarake të Shteteve të Bashkuara në hapësirë.
Mediat amerikane raportojnë se kjo komandë, SHBA-së do t’i kushtojë 800 milionë dollarë në pesë vitet e ardhshme.
Administrata e Presidentit Trump njoftoi në muajin gusht të vitit 2018 planin ambicioz për ngritjen deri në vitin 2020 të Forcave hapësire, si arma e gjashtë e ushtrisë amerikane.
Kritikët, duke përfshirë disa ligjvënës demokratë, kanë thënë se krijimi i një force të tillë është i panevojshëm dhe i shtrenjtë.
