Vdekja e djalit të Nexhat Dacit nga orteku në Brezovicë, shkakton shok edhe në Amerikë - Bota Sot
Vdekja e djalit të Nexhat Dacit nga orteku në Brezovicë, shkakton shok edhe në Amerikë

Amerika

Vdekja e djalit të Nexhat Dacit nga orteku në Brezovicë, shkakton shok edhe në Amerikë

Nga: Beqir Sina - New York Më: 26 janar 2019 Në ora: 21:26
Arian Daci

Sot tragjikisht ka vdekur Arian Daci, djali i akademikut Nexhat Daci.

Ai ka vdekur si pasojë e një orteku në Brezovicë, që e kishte zënë atë së bashku me një person tjetër, dhe ky i fundit raportohet të jetë vetëm i lënduar, shkruan “Bota sot”.

Ariani ishte zëvëndësministër i Diasporës në Qeverinë e Kosovës.

Miq, dashamirë dhe të afërm të akademik Nexhat Dacit në Amerikë, e kanë përjetuar në shok, vdekjen e Arian Dacit, që ndërroi jetë pasi që është zënë nga orteku në Brezovicë, teksa ushtronte edhe detyrën e zëvendës-ministrit të Ministrisë së Diasporës në Qeverinë e Kosovës.

Image
Elmi Berisha

Elmi Berisha - Kryetari i Rrjetit të Bisneseve Shqiptare në Botë, për SHBA e Kanada, miku i tij më i afërt në Shtetet e Bashkuara të akademik Nexhat Dacit, ka shprehur ngushëllimet e tij për vdekjen e Arian Dacit sot në Brezovicë, djalit te mikut te tij me te shtrejt.

Zoti Berisha, ka shkruar në faqen e tij në “Facebook” se lajmi për vdekjen e djalit të akademik Nexhat Dacit, ishte tejet pikëllues, dhe e rëndë për familjen Daci, miqt e tij dhe dashamirët, të gjithë ata që e njohën.

Image

“Kumti i vdekjes eshte lajmi me i rëndë nga vdekja parakoheshme dhe e paprtitur e djalit të mikut tim të përjetëshëm, Arian Dacit, në fatkeqësinë e ndodhur sot në Brezovicë. Në emrin tim dhe të Familjes Berisha, i shpreh ngushëllime Akademik Nexhat Dacit dhe familjes së tij për humbjen e birit të tyre, djalit të vetëm dhe shumë të shtrëjtë”, ka shkruar Berisha.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...