Trump diskuton ndikimin e koronavirusit në industrinë e naftës - Bota Sot
Trump diskuton ndikimin e koronavirusit në industrinë e naftës

Amerika

Trump diskuton ndikimin e koronavirusit në industrinë e naftës

Më: 2 prill 2020 Në ora: 13:59
Donald Trump

Presidenti amerikan, Donald Trump, ka konfirmuar se do të takohet me zyrtarë të lartë të kompanive amerikane të naftës në Shtëpinë e Bardhë, për të diskutuar ndikimin e pandemisë së koronavirusit në punën e tyre.

Industria e naftës është prekur keq, pasi kërkesa për energji ka rënë në mënyrë paralele me kufizimet në lëvizje të vendosura nga qeveritë, me qëllim të kontrollimit të sëmundjes Covid-19, që shkakton koronavirusi.

Një mosmarrëveshje në mes të Rusisë dhe Arabisë Saudite rreth sasisë së prodhimit, po ashtu ka qenë faktor në ulje të çmimit të naftës.

Duke folur në Shtëpinë e Bardhë, Trump nuk ka specifikuar se cilat kompani do të jenë prezentë në takim.

Megjithatë, ai ka komentuar mospajtimet në mes të Arabisë Saudite dhe Rusisë, duke thënë se të dyja shtetet janë të fokusuar në bisedime dhe se beson që do të tejkalojnë dallimet e tyre.

Këshilltari për Siguri Kombëtare i Trumpit, Robert O’Brien, po ashtu ka folur gjatë konferencës, duke thënë se Shtetet e Bashkuara “do të punojnë me prodhuesit më të mëdhenj të naftës për të adresuar jostabilitetin në tregjet globale të naftës”.

Shfaq komentet
comments powered by Disqus
Sot mund të lexoni Shfletoni kopertinat