Ditën e djeshme ka nisur mësimin edhe një tjetër shkollë e gjuhës shqipe, “Children of the Eagle” me drejtuese Drita Gjongecaj, e cila është edhe drejtuese në arsimin publik të New York-ut dhe njëkohësisht themeluese e shkollës shqipe.
Për shkak të rregullave që duhet të respektohen në bazë të masave anti-covid, mësimi në gjuhën shqipe për këtë nisi në mjediset e selisë së Federatës Panshqiptare të Amerikës “VATRA”.
Në ditën e parë të mësimit është bërë prezantimi i nxënësve me mësuesit në gjuhën shqipe, gjithashtu ka pasur biseda rreth simboleve kombëtare, gjuhës shqipe dhe në fund është mbyllur me këngë e valle shqiptare.
