7000 shqiptarë marrin pjesë në Ditën e Trashëgimisë Shqiptare në parkun “Kensico Dam Plaza” në Nju Jork

Amerika

7000 shqiptarë marrin pjesë në Ditën e Trashëgimisë Shqiptare në parkun “Kensico Dam Plaza” në Nju Jork

Beqir Sina Nga Beqir Sina Më 6 qershor 2022 Në ora: 23:40
Foto ilustrim

Kensico Dam Plaza June 5, 2022 – Mbas një ndërprerje dy veçare, të pandemisë globale rreth 7000 shqiptar nga zona e Tri-Shteshit u mblodhën përsëri në piknikun më të madh të shqiptarve “Albanian Heritage Day” të dielën (5 qershor) në parkun rekreativ Kensico Dam Plaza nē Valhalla - Nju Jork 

Ky aktivitet sponsorizohet nga Qendra Nënë Tereza e Famullisë Zoja e Shkodrës dhe zyra e Parqeve të Qarkut Westchester.

Dita e Trashëgimisë Shqiptare është festivali në natyrë i traditës, kulturës, muzikës këngës e valles shqiptare , sportit dhe guzhinës shqiptare, më i madhi aktivitet i organizuar për më shumë se tre dekada nën kujdesin e Kishës Katolike Shqiptare “Zoja e Shkodrës” me meshtar Dom Pjeter Popaj

Ky festival i cili rifillojë pas dy vitesh së pandemisë Covid-19,  përfshiu kuzhinën e shijshme shqiptare, tregtimin e aksesorve me ngjyrat dhe simbolet shqiptare, vepra arti dhe këngë e kërcimin e djemve e vajzave të Grupit të valleve të Qendrës “Nëna Tereze” me udhëheqëse koreografen e njohur Agjelina Nika “Mjeshtre e Madhe” dhe të gjithë pjesmarrësve.

Festivali gjatë gjithë ditës vazhdojë me performanca me muzikë tradicionale shqiptare nga të gjitha trevat live nga Gerona Hyska, Edmond Nikolla, Gëzim Nika “Mjeshter i Madh” të shoqëruar në keyboard nga Dritan Papa dhe DJ Edi .

Këtë festival të madh kulturor e nderojnë me pjesmarrjen e tyre edhe politikanët të cilët e shfrytëzojnë edhe për të bërë fushat në zgjedhjet e tyre .

Ne Diten e traditave shqiptare ishte i pranishem edhe ish Keshilltari i Nju Jorkut, z. Mark Gjonaj.

Mark Gjonaj - politikani i njohur shqiptar, përshëndeti duke vlerësuar festivalin “Dita e Trashëgimisë Shqiptare” i cili tha ai është festivali në natyrë i traditës duke e quajtur këtë si: “Festivalin e bashkimit të të gjithë shqiptarve, një ditë të bukur si kjo kur mbarë komuniteti shqiptar, fëmijët, të rinjë e të reja, burra e gra nga Shqipëria, Kosova dhe të gjitha trevat etnike shqiptare, pa dallime fetare , krahinore dhe bindje politike, bëhen së bashku në këto aktivitete”

Ligjvënësi lokal shqiptaro-amerikan, Vedat Gashi, i cili këtë muaj ka edhe sfidën në partinë e tij si kandidatë për në Kongresin Amerikan ftojë edhe një herë  shqiptarët e kësaj zone elektorale të votojnë e mbështesin atë duke premtuar se do të jetë zëri i vërtet i shqiptarve në Kongresin amerikan.

Mbështetjen e shqiptarve e kërkojë me këtë rast nëpërmjet fjalimit të tij edhe miku i shqiptarve  Rob Astorino, ish Prefekt i Qarkut Westchester,  i cili po kandidon në këto zgjedhje për postin e Guvernatorit të Nju Jorkut nga partia Republikane.

Për çdo vjet edhe autoritetet e larta lokale të Westchesterit, përfshirë Ekzekutivin e Kontes, së  Westchester NY - dërgojnë mesazhe që e përshëndesin festivalin shqiptar “Albanian Heritage Day” dhe vlersojnë kontributin e madh të shqiptarve në SHBA.

Ekzekutivi i kontesë Westchester George Latimer shkruajti për ketë festival “Si një komunitet, Westchester County përpiqet të nxisë diversitetin, barazinë dhe përfshirjen. Kjo është një mundësi e shkëlqyer për të kaluar kohë të bukur me familjen dhe miqtë dhe për të trashëguar kulturën e bukur shqiptare.”

Komisionerja e Parqeve të Qarkut Westchester, Kathy O'Connor citohet të ketë thënë : "Kultura e Shqipëtare nëpërmjet këtyre aktiviteteve që organizon Kisha Katolike “Zoja Shkodrës” në bashkëorganizim me kontenë e Westchesterit - bënë atë që të gjallërohet nga ky komunitet jeta jonë përmes muzikës, kërcimit dhe aktiviteteve të shkëlqyera kulturore shqiptare për njerëzit e të gjitha moshave këtu në Kensico Dam Plaza".

Dita e Traditave Shqiptare : 

Është, veprimtaria më e madhe kulturore e shqiitarêve të Amerikës që organizohet për çdo vit nga Kisha Katolike Shqiptare “Zoja e Shkodrës” dhe Qendra e saj Kulturore, që mbanë emrin e Shenjtëreshës Nënë Tereza.

“Katër dekada më parë , tha një nga veteranët e diasporës shqiptare në SHBA,  Sekretari i “Lidhjes së Prizerenit” Tomë Mrijaj njëherishit dhe bashkë themelues i këtij festivali - ai quhej “Festivali i Talenteve të Reja” por në dy dekadat e fundit, me ardhjen e shqiptarve të rinjë, në kishën tonë, Kishën “Zoja e Shkodrës” emri ju ndryshua, duke i mbetur çdo gjë traditës së cilës ne e krijuam”

Dita e Trashëgimisë Shqiptare këtë vit mblodhi mijëra shqiptarë(rreth 7 mijë)  nga zona e Trishtetshit (New York-u, New Jersey dhe Connecticut) dhe u mbajt të djelën e 5 qershorit 2022  në parkun e bukur e plot hijeshi në Kensico Dam Plaza- Westchester. 

Mjediset e gjelbërta të Parkut u hijeshuan nga ngjyrat kuq e zi të flamujëve shqiptarë krahas flamujëve amerikanë,  dhe prej kostumeve tradicionale, bluzat kuq e zi me simbolikë kombëtare, që aq hijshëm i mbanin veshur gjenerata e reja shqiptare, e lindur në Shtetet e Bashkuara të Amerikës. 

Ndërsa në fushën e gjelbërt grupet e sportistëve zhvilluan garat sportive në  futboll, volejboll, shah e lojëra të tjera. Finalalistve dhe fituesëve të trofeve përkatëse iu dhanë kupat e shoqeruara dhe me çertifikata nderimi.

Drejtuesi kryesor i veprimtarivë të kësaj dite,  Dita e Trashëgimisë Shqiptare ëdhtë   z. Fran Çotaj i ndihmuar nga ndihmësit e tij vullnetarë , i cili i kishte marrë të gjitha masat që veprimtaritë të zhvilloheshin normalisht dhe me frymë gare sportive. 

Për çka ai ka marrë edhe një faleminderim të posaçëm nga meshtari i Kishës Katolike Zoja e Shkodrës Dom Pjetri i cili e ka falenderuar drejtuesin e ditës së traditave Fran Çota - për mirëorganizimin e Ditës së Traditave me pjesmarrjen e mijëra bashkatdhetarëve.

Po simbas traditës së këtij festivali Famullitari i Kishës “Zoja e Shkodrës” Dom Pjetër Popaj, pasi ka pranuar Proklamatën nga Westchester County, ka falenderuar, dhe i ka përshëndetur pjesmarrësit e shumtë duke i uruar ata për këtë ditë të bukur, dhe për ruajtjen e traditave kombëtare, kulturore e artistike si dhe gjuhën e bukur shqipe. 

Dom Pjetër Popaj mbasi bekojë këtë festival tha: “Jemi krenarë që sot ne shpalosim traditat tona më të bukura, të trashëguara nga të parët tanë, të cilët i kanë rujatë dhe përcjellë në shekuj këto tradita, edhe pse në kushte të vështira dhe të okupuar prej pushtuesëve. Është kënaqësi, jo vetëm që shihemi dhe takohemi me njeri-tjetrin në këtë ditë të Traditave, por kemi dhe kënaqësinë të ndjekim këngët e artistëve tanë, si dhe vallet e djemëve dhe vajzave të lindura këtu.Ata përbëjnë gjeneratën e re që nuk i harron traditat e të parëve të tyre.Nuk ka më bukur se sa t’i përcjellim këto valle të bukura tek brezat, që ata t’i çojnë më tutje. Edhe amerikanët i ndjekin me interes këto tradita të shpalosura gjatë kësaj dite.”

Më pas pistën qendrore të parkut e kanë pushtuar grupet e valltarëve të moshave të ndryshme . Ku si gjithmon dallon Grupi Rozafat, ku të vegjëlit janë shumë të pëlqyer e të duartrokitur. 

Të veshur me xhubletën tradicionale vajzat dhe djemtë me tirqe e kostumet e bukura të folklorit tonë kombëtar, këta valltar kërcejnë plot siguri vallet kombëtare.

Koreografja Angjelina Nika “Mjeshtre e Madhe” dhe përgjegjësja e grupit natyrisht që ndjehen të shpërblyera nga duartrokitjet që marrin valltaret e tyre.

Dita e Traditave Shqiptare e mbylli siparin e saj në mesnatë në Qendrën “Nënë Tereza ” të Kishës Katolike “Zoja e Shkodrës”, ku vazhdoi me koncertin e artistëve dhe me ushqime. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat