New Jersey, (9 qershor 2026 )– Guvernatoria e New Jersey-t, Mikie Sherrill, bashkë me Komitetin Organizator të FIFA World Cup 2026™ New York New Jersey, njoftuan shpërndarjen e 770 biletave falas për ndeshje në Stadiumin MetLife.
Initiativa financohet plotësisht nga një partneritet publik-privat, pa asnjë kosto për taksapaguesit.
Biletat do të shpërndahen për pesë ndeshje të Grupit dhe dy ndeshje të Fazës së Eliminatorëve.Shpërndarja e biletave ndahet në tre programe kryesore:
• 500 Biletat e Komunitetit (mbështetur nga Uber dhe Choose New Jersey): Do t’u jepen lojtarëve të rinj të futbollit nga komunitetet e nënpërfaqësuara, familjeve të ushtarëve të Gardës Kombëtare të New Jersey-t të dërguar në mision, pacientëve të Hackensack Meridian Health në programin Make-A-Wish, si dhe reaguesve të parë të Bergen County-t.
• 200 Biletat për Heronjtë e Shëndetësisë dhe Fëmijët (mbështetur nga Hackensack Meridian Health): Për infermierët dhe stafin mjekësor në linjën e parë, si dhe për pacientët pediatrikë dhe familjet e tyre që përballen me sëmundje serioze të fëmijërisë.
• 70 Biletat për Bizneset e Vogla Lokale (Programi Welcome World Rewards): Për banorët që mbështesin bizneset lokale, vizitojnë vendet pjesëmarrëse dhe marrin pjesë në eventet zyrtare të komunitetit për Kupën e Botës.
“Duam që përvoja të jetë e aksesueshme dhe e përballueshme për sa më shumë banorë të New Jersey-t”, tha Guvernatorja Mikie Sherrill gjatë ceremonisë së njoftimit në Qendrën Mjekësore të Universitetit Hackensack. “Faleminderit Komitetit Organizator, Uber-it dhe Hackensack Meridian Health që na mundësuan t’u japim mbi 750 bileta falas newjerseyanëve që meritojnë të jetojnë këtë moment unik në jetë.”
Kjo giveaway vjen pas një marrëveshjeje të fundit prej 3.6 milionë dollarësh nga Komiteti Organizator për të mbuluar kostot e transportit lokal për Kupën e Botës.
