SHBA: Besimtarët ortodoksë shqiptarë kremtuan festën e Pashkës - Bota Sot
SHBA: Besimtarët ortodoksë shqiptarë kremtuan festën e Pashkës

Amerika

SHBA: Besimtarët ortodoksë shqiptarë kremtuan festën e Pashkës

Nga: Beqir Sina New York Më: 8 prill 2018 Në ora: 15:49
Besimtarët ortodoksë shqiptarë kremtuan festën e Pashkës

Mesnata e mbrëmshme, u solli besimtarve ortodoks lajmin e gëzuar  “Krishti u Ringjall”, e bashkë me të dhe shpresa për botën, i cili është dhe simboli i këtyre Pashkëve
BOSTON MA: Besimtarët ortodoks shqiptarë të Amerikës, janë duke kremtuar sot festën e Ringjalljes së Krishtit.

Java para Pashkëve është quajtur Java e Shenjtë, dhe ajo përmban Tri Ditët e Pashkëve, që përfshijnë Të Enjten e Shenjtë, që përkujton Darkën e Fundit, Të Premten e Shenjtë, që përkujton kryqëzimin dhe vdekjen e Jezusit dhe Të Shtunën në mesnatë me meshën e Ringjalljes së Krishtit. 

Image

Në krishtërimin perëndimor, Sezoni i Pashkëve, fillon të dielën e Pashkëve, dhe zgjat shtatë javë, duke i dhënë fund me ardhjen e ditës pesëdhjetë. 
Në Orthodhoksi, sezoni i Pashkës fillon ditën e Pashkës dhe përfundon me ardhjen e ditës së dyzetë, festën e Ngritjes.

Kështuqë, besimtarët e shumtë ortodoksë shqiptarë, emigruar në SHBA, në kohra dhe rrethana të ndryshme, në gjithë Shtetet e Bashkuara ku ata janë vendosur prej kolonive të para, pra trashgimtarët e tyre, dhe emigrantët e dekadave të fundit, së bashku me familjet e tyre, kremtuan mbrëmjen e djeshme vigjiljen e Pashkës, ku përcollën lutjet për Ringjalljen e Krishtit.

Ndërkohë, me rastin e kësaj feste mbrëmë në mesnatë në te gjitha kishat ortodokse, sidomos ato ku kryejnë ritet e tyre fetare edhe besimtarët shqiptar të besimit Ortodoks, në Bregun lindor, Boston, Uster, Nju Jork, Nju Xhersi, Ohaio, Uashington, dhe New England, njoftohet se besimtarë të shumtë, ndoqën meshat e Shenjta me rastin e Pashkëve Ortodokse.

Image

Në Kishën e parë dhe më të vjetër të shqiptarëve të Amerikës, “St. George Albanian Orthodox Cathedral” – Kishës shqiptare të Shën Gjergjit në Boston, mbrëmë ishin mbledhur dhjetëra besimtarë, të cilët ndoqën nga afër meshën nga At Arturi, kancelari i kishes ortodokse të Bostonit, e të drejtuar nga hirësia e tij peshkop Nikon Liolini dhe priftërinjët e tjer të kësaj katedrale historike të shqiptarve të Amerikës.

Atmosfera e meshës dhe kremtimit në Kishën shqiptare të Shën Gjergjit në Boston, zbulohet në një fotoalbum nga Panion Tase, të cilin kjo kishë e falenderonë, shihen besimtarët duke ndjekur meshën me qirinj në duar dhe duke uruar njëri-tjetrin. Ata morën nga kisha flakën e Zotit për ta çuar atë në shtëpinë e tyre, për më shumë mbarësi.

Image

Mesnata e mbrëmshme, u solli besimtarve ortodoks lajmin e gëzuar : “Krishti u Ringjall”, e bashkë me të dhe shpresa për botën, i cili është dhe simboli i këtyre Pashkëve.(“St. George Albanian Orthodox Cathedral” : Thank you for joining us for Palm Sunday Photos courtesy of Panion Tase).

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test