Rrezart Cungu, 19 vjeçari shqiptar që jeton në SHBA, bashkë me ekipin e tij të tenisit sot është pritur në shtëpinë e bardhë nga presidenti amerikan, Donald Trump.
“Pas fitores se kampionatit të tenisit, Rrezarti bashkë me ekipin e tij pati nderin që të takohej me presidentin e Shteteve të Bashkuara të Amerikës, Donald Trump. Jam i gëzuar që puna e palodhur e djalit tim po shpërblehet dhe që suksesi respektohet”, ka shkruar në faqen e tij, Nazif Cungu, babai i Rrezartit.
Kujtojmë se Rrezarti ishte pjesë e fitores së kampionatit e tenisit të National Collegiate Athletic Association(NCAA). Kjo është kupa më e rëndësishme e garimit mes universiteteve në Shtetet e Bashkuara të Amerikës, shkruan “Bota sot”.