Një i ri shqiptar është vrarë me armë zjarri mbrëmjen e 7 shtatorit në New York, por lajmi është bërë publik sot nga mediet vendase.
Sipas raportimeve të autoriteteve lokale, mësohet se viktima është Grei Frashëri, 23 vjeç, i cili u qëllua për vdekje nga persona, ende të paidentifikuar, në një rrugë në Bay Ridge në Brooklyn, shkruan nydailynews.com.
Ndërsa policia gjeti në vendngjarje disa gëzhoja, autorët e ngjarjes janë larguar me shpejtësi me tre makina, pasi kanë kryer krimin. Ende nuk dihen autorët dhe shkaqet që kanë çuar në kryerjen e vrasjes.
