Ndahet urdhri "Hero i Kosovës" dhe "Deshmori i Kosovës", për tre vëllezërit Bytyqi - Bota Sot
Ndahet urdhri "Hero i Kosovës" dhe "Deshmori i Kosovës", për tre vëllezërit Bytyqi

Amerika

E premte, 19 tetor 2018

Ndahet urdhri "Hero i Kosovës" dhe "Deshmori i Kosovës", për tre vëllezërit Bytyqi

Beqir SINA, New York Nga Beqir SINA, New York Më 26 shtator 2018 Në ora: 14:41
Vëllezërit Bytyqi dekorohen me urdhrin “Hero i Kosovës”

NEW YORK CITY: Presidenti i Republikës së Kosovës zoti Hashim Thaqi dhe Kryeministri , Ramush Haradinaj, gjatë vizitës zyrtare në SHBA, morën pjesë në ceremoninë e organizuar nga presidenti Hashim Thaçi, me rastin e ndarjes së urdhrit “Hero i Kosovës”, për njërin prej vëllezërve Bytyqi, Yllin, dhe shpalljen "Dëshmor të Kosovës" Mehmet dhe Agron Bytyqi, për trimëri dhe sakrificë për lirinë e Kosovës.

Me këtë rast u nderua me mdelajen e Presidentit të Kosovës, në bazë të dispozitave kushtetuese për "Merita të Larta" edhe Batalioni Atlantiku, i luftetarve nga Amerika.

Në ceremoninë që u organizua në Konsullatën e Kosovës, në Nju Jork, para të pranishmëve të shumtë, prindërve të vëllezërve Bytyqi, familjarëve tjerë të shumtë,ish luftëtarve të Batalionit Atlantiku, mori pjesë ish-presidentja Atifete Jahjaga, ambasadoria Vlora Çitaku, konsullia Teuta Sahatçiu, veprimtari Harry Bajraktari, keshilltari i Nju Jrokut, Mark Gjonaj, përfaqësues të shoqatatave dhe personaliteteve të tjera shqiptaro-amerikane.

Presidenti Hashim Thaçi, pas ndarjes së urdhrit “Hero i Kosovës” për dëshmorët Yll Bytyqi, Mehmet Bytyqi dhe Agron Bytyqi, për trimëri dhe sakrificë për lirinë e Kosovës, falënderoi SHBA-të dhe diasporën për kontributin e dhënë në lirinë dhe pavarësinë e vendit.

“Falënderojmë SHBA-të, diasporën tonë edhe ata në Evropë, që nuk kursyet asgjë për liri dhe pavarësinë e Kosovës. Erdhët dhe luftuat për çlirimin e Kosovës. Batalioni “Atlantiku” e ka një rol të jashtëzakonshëm historik edhe për forcimin e bashkëpunimit mes ShBA-ve dhe Kosovës në atë kohë të Ushtrisë Çlirimtare të Kosovës, kështu që të gjithë në një formë apo tjetër kemi qenë luftëtarë edhe ata që kemi qenë në istikame edhe ata që kanë ndihmuar lirinë e pavarësinë e Kosovës kudo”, tha presidenti Thaçi duke i dorzuar anëtarve të familjes Bytyqi titullin Heroi i Kosovës dhe Deshmor i Kosoves..

Kryeministri Haradinaj, tha se ky moment është dëshmi se ajo që bëjmë për atdheun çdo herë jeton dhe kurrë nuk është vonë për ta respektuar dhe nderuar.

“Do ta kthejmë në traditë dhe do ta ngrisim në kult respektin për vlerat e lirisë, për familjet që kanë bërë për liri dhe jam i bindur se do t’ju përulemi përjetësisht ndër breza për kontributin tuaj, e që vjen me shumë dhimbje për vëllezërit tuaj që ranë për liri. Lavdi e përjetshme”, tha kryeministri Haradinaj.

Më tej kryeministri tha se është padrejtësi që Ylli, Agroni e Mehmeti nuk janë me ne, por një drejtësi ka ndodhë, është liria e Kosovës.

“Tani liria e Kosovës është e drejta e Zotit, e drejta e luftës, dhe besoj se edhe drejtësia për vëllezërit Bytyqi duhet të vendoset. Më vjen mirë që familja nuk dorëzohet nga padrejtësia që i ka ndodhë, por po ashtu që kanë rreth vetës miq dhe bashkëluftëtarë. Është fat që brezi i ardhshëm do të rriten në liri”, theksoi kryeministri Haradinaj.

Ndërkohë, babai i tre vëllezërve Bytyqi, Ahmeti, i shoqëruar nga bashkëshortja, dy fëmijët Fatosin dhe Ilirin, nipat e mbesat e tyre falënderoi përfaqësuesit institucional, duke thënë se kjo ka qenë një ëndërr e tij, duke thënë se ju sot i respektoni vëllezërit tuaj, ushtarët tuaj, djemtë tuaj dhe gjithë ata që ranë në rrugën e lirisë.

“Sot jam shumë i kënaqur që jemi bashkë dhe liria u fitua”, tha babai i vëllezërve Bytyqi, duke thënë se shqiptarët shquhen për krenarinë e tyre, dhe shtoi se edhe nga shteti në të cilin jetojnë, në Shtetet e Bashkuara të Amerikës, kanë mësuar shumë se si arrihet liria, duke çmuar kontributin e saj për lirinë e shqiptarëve.

Image
Image
Shfaq komentet
comments powered by Disqus
Sot mund të lexoni Shfletoni kopertinat
Sondazh
test