Në New York të dielën me datën 18 Nëntor u mbajt një takim i kryesive të shoqatave me origjine nga trojet etnike të Malit të Zi.
Qëllimi i këtij takimi ishte bashkërendimi sa më i mirë i mundshëm i aktiviteteve në aspektin kombëtar në kuadër të Këshillit Koordinues të Shoqatave, këshill ky i themeluar që nga 2 Nëntori i vitit 2014 nga shoqatat nënshkruese të Rregullores së Bashkëpunimit të Shoqatave:
Në takim morën pjesë dhe u përfaqësuan këto shoqata:
Shoqata Ana e Malit, kryetare Emi Salaj
Shoqata Malësi e Madhe NY, kryetar Ejllo Berishaj dhe njëkohësisht koordinator i tanishëm i Shoqatave
Fondacioni Plavë Guci, nënkryetar Fahrudin Kukaj dhe arkëtar Shkumbim Hasangjekaj
Shoqata Kraja nënkryetar Hysen Kraja dhe arkëtar Hamid Alaj
Shoqata Dom Simon Filipaj, kryetar Simon Nrekaj dhe nënkryetar Zef Gjokaj
Vlen për të theksuar se në këtë takim ishin të ftuara për pjesëmarrje edhe shoqatat nga Detroiti dhe Çikago, por ato me kohë njoftuan iniciuesin me pamundësi të pjesëmarrjes për shkak të distancës.
Ky takim vëllazëror u iniciua nga aktivisti i dalluar dhe ish deputeti shqiptar në Parlamentin e Malit të Zi, Xheladin Zeneli dhe njeri nga përpiluesit i Rregullores së Bashkëpunimit të Shoqatave në vitin 2014. Po ashtu është e rëndësishme te thuhet se Zeneli së bashku me juristin Gjon Ivezaj kishin përgatitur këtë rregullore e cila më pastaj ishte aprovuar nga shoqatat.
Në këtë takim ishin të ftuar dhe morën pjesë edhe kryetarët e Shoqatave nënshkruese të Rregullores së Bashkëpunimit në kuadër të Këshillit Koordinues në vitin 2014 si Ismet Kurti ish kryetar i Shoqatës Ana e Malit, Esad Gjonbalaj ish kryetar i Fondacionit Plavë Guci dhe koordinatori i par i shoqatave, Tom Shkreli ish kryetar i Shoqatës Dom Simon Filipaj dhe Sal Gjinashi ish kryetar i Shoqatës Kraja.
Në këtë takim u theksuan aktivitet e suksesshme të Shoqatave në kuadër të Këshillit Koordinues gjate viteve 2014/15, si demonstrata e fuqishme ne Uashington DC, Konferenca ne Oakland University Detroit dhe pikniku i përbashkët i Shoqatave në Neë York në vitin 2015 ku morën pjesë me mijëra pjesëmarrës.
Sipas kumtesës për media bëhet e ditur se pjesëmarrësit e këtij takimi u dakorduan që një takim i radhës i kryesive të Shoqatave të mbahet në Janar 2019, dhe nga ai takim të sjellën vendime se si të vazhdohet tutje bashkëpunimi i ndërsjellët ne mesh shoqatave me qëllimin parësor të riaktivizimit të Këshillit Koordinues të Shoqatave.
