Me angazhimin e përbashkët të disa aktivistëve të çështjes shqiptare në Amerikë, me iniciativën e LDSHM- së dhe ndihmën e disa aktivistëve donatorë, më 28 Nëntor, 2018, delegacioni shqiptar në përbërje : Zijadini Sela, kryetar i Aleancës për Shqiptarët, Bilall Kasami, kryetar i Lëvizjes Besa, Xhevat Prespa, kryetar i LDSHM-së, Ilaz Kadriu, aktivist , Daniel Shure, nga Oda Ekonomike Izraelito-Amerikane, Fluturim Risvani, aktivist nga shteti Connecticut, Vullnet Dervishi , kryetar i shoqatës strugane "
Valët e Liqenit" dhe Ferki Bekteshi , aktivist nga Kenosha, pati një takim të rëndësishëm dy orësh në Dertamentin e Shtetit Amerikan ku u prit nga Drejtoresha e Zyres për çështje jugqëndrore europiane, znj. Susan K. Falatko dhe Jill W. Dietrich, oficere e zyrës për Maqedoni.
Në fillim të takimit, hyrjen e bëri Daniel Shure, kurse prezantimin secili veç e vec.
Kryetari i Lëvizjes Besa, fillimisht e informoi drejtoreshën mbi situatën e shqiptarëve në Maqedoni pas Marrëveshjes së Prespës, të cilën e përshkroi si kthim para Marrëveshjes së Ohërit. Ai tha se në Marrëveshjen e Prespës shqiptarët as nuk përmenden fare dhe se subjekti i tij dhe partitë tjera politike shqiptare kanë votuar për ndryshime kushtetuese, por Besa dhe ASH mbështesin kërkesat e tyre për ndryshimin e amendamenteve kushtetuese që kanë të bëjnë me preambullën dhe amendamentin e gjuhës shqipe si gjuhë zyrtare e jo gjuhë e numrave 20 %, duke e arsyetuar atë me përqindje të konsiderueshme të shqiptarëve në Maqedoni si dhe karakterin multietnik të shtetit.
Ndësa Zt. Sela në mes tjerash tha se në së bashku këtu ndajmë shqetësimin e njëjtë kur është në pyetje çështja shqiptare në Maqedoni. Në, vazhdoi ai, e përkrahim plotësisht inkuadrimin e Maqedonisë në Nato dhe BE, prandaj të gjithë shqiptarët së bashku votuan për ndryshime kushtetuese, kurse pala maqedoni u nda rreth kësaj çështjeje.
Në mendojmë se hapja e ndryshimeve kushtetuese është rast i volitshëm për inkorporimin dhe votimin e një preambulle më të kapshme edhe për shqiptarët , pastaj përmendi kërkesën ku etnicitetet duhet ta ruajnë karakterin kombëtar. Me një fjalë: shqiptar/ shtetas i MV; maaedonë/ shtetas i MV dhe kështu me radhë. Në BE duam të shkojmë si shqiptarë, e jo si maqedonë. Në pranojmë të jemi shtetas të Maqedonisë, por kombësia të mbetet shqiptare.
Sela potencoi kërkesën e zyrtarizimit të gjuhës shqipe , duke e arsyetuar atë edhe më premtimin e kryeministrit Zaev gjatë zgjedhjeve, më të cilën gjë morri edhe 50.000 vota shqiptare.
Investimet joproporcionale i karakterizoi si shkakun kryesor të shpërnguljeve masive të shqiptarëve nga Maqedonia.
Ai në takim theksoi se kryeministri bashkëpunon me kriminelët e pozitës së tanishme e cila ishte pjesë e qeverisë së kryeministrit të ikur në Hungari !
Ilaz Kadriu u inkuadrua në bisedë duke kërkuar nga DASH-i dhe ambasadori amerikan në Shkup që të bëjnë presion në palën maqedone e cila ka votuar kundër ndryshimeve kushtetuese e jo në Besën dhe ASH që blanco ti votojnë këto ndryshime , pasi që në zgjedhjet e ardhshme do të humbin elektoratin dhe atëherë pse duhet të ekzistojnë partitë opozitare pyeti Zt. Kadriu ?
Xhevat Prespa kërkoi kushtetutë të ngjashme si ajo e Belgjikës, Zvicrës apo kushtetutë civile si në Kosovë, ku për shkak të 5 % të serbëve gjuha e tyre është zyrtare.
Fluturimi vuri në pah kërkesat e arsyeshme të shqiptarëve dhe parashikoi se referendumi sido që të jetë, në Greqi do të dështojë.
Vullnet Dervishi në fund i njoftoi të pranishmit se ky delegacion përfaqëson kërkesat e të gjithë shqiptarëve në qytetet prej nga vijnë dhe se në të gjithë së bashku i përkrahim amendamentet e propozuara nga Sela dhe Bilalli.
Është shumë më rëndësi të cekët se drejtoresha dhe stafi i zyrës së saj e kiptuam qartë mesazhin e delegacionit tonë të përbashkët : se pa zgjidhje e problemit shqiptar dhe pa plotësimi dhe institucionalizimin e kërkesave shqiptare, Maqedonia do vazhdojë të jetë vend i krizave të ardhshme.
Pjesëmarrësit e delegacionit nga Amerika kanë një mesazh për të dy liderët: të afrojnë sa më shumë qëndrimet dhe parimet e tyre duke përgatitur një koalicion të domosdoshëm dhe pa kushte për zgjedhjet e ardhshme të cilat do të jenë të pashmangshme. Me këtë veprim, të dy liderët do të fitojnë sepse vetëm kështu edhe në do të jemi më ta.