Galeria e Ministrisë së Kulturës sjell ekspozitën e radhës, me autore Engji Jahajn

Art

Galeria e Ministrisë së Kulturës sjell ekspozitën e radhës, me autore Engji Jahajn

Më: 12 qershor 2020 Në ora: 12:29
Galeria e Ministrisë së Kulturës sjell ekspozitën e radhës, me autore Engji Jahajn

Pas periudhës së izolimit si rezultat i pandemisë më virusin Covid-19, si dhe tash pas lehtësimit të masave nga kjo pandemi, Galeria e Ministrisë së Kulturës i rikthehet aktiviteteve kulturore të parapara për këtë vit.

Të martën më 16 qershor 2020, në orën 18:00, bëhet hapja ekspozitës personale e piktores Engji Jaha, e titulluar “Selfie Mundi.” Ky event i paraparë për muajin prill 2020, është shtyrë deri më tani për arsye tashmë të ditura.

Për dallim nga herët tjera, kësaj radhe ceremonia e hapjes së kësaj ekspozite do të jetë nëpërmjet një konference për media, ku folës do të jenë kuratori i ekspozitës, Shkelzen Maliqi, koordinatorja e GMK-së, Dhurata Ramosaj, si dhe autorja Engji Jaha.

Në këtë ekspozitë Engji Jaha sjellë piktura dhe instalacion artistik. Ky instalacion është bërë me qëllim që brenda tij të jetë vetëm një pikturë, e ndriquar nga brenda dhe nga jashtë, në një shoqërim me pjesën tjetër të punimeve të ekspozuara jashtë “kabinës” së instalacionit. 

E personazh i pikturave të saj është vet piktorja Jaha.

Kuratori i ekspozitës, Shkelzen Maliqi vlerëson se “Tablotë̈ e ekspozitës janë̈ inskenime të frymëzuara nga ikonografi të artit klasik, por që autorja i sajon në mënyrën e vet, si “selfie historike”. Më tutje, ai thekson se “Për arritjen e këtyre sukseseve nuk mjafton talenti dhe dëshira individuale për afirmim dhe njohje. Ato janë̈ rezultat i një̈ vetëbesimi që po fuqizohet sepse janë̈ pjesë e procesit të emancipimit të vajzave dhe grave në shoqërinë̈ tonë, çliruar nga mbetjet e traditave shtypëse që ngufasin kreativitetin dhe ambiciet e tyre”.

Ekspozita do të qëndroj e hapur një muaj.

p.s. luten mediat dhe vizitorët që të respektojnë mbajtjen e distancës dhe të jenë të pajisur me masa mbrojtëse.

commentFirst article
Më të lexuarat
Sot mund të lexoni Shfletoni kopertinat