Tragjedi, 21 të vdekur në garën e sportive

Atletika

Tragjedi, 21 të vdekur në garën e sportive

Më: 23 maj 2021 Në ora: 13:28
Tragjedi, 21 të vdekur në garën e sportive

Një tragjedi në kufijtë e të pabesueshmes godet botën e sportit. 21 vrapues humbën jetën nga i ftohti gjatë një maratone prej 100 kilometrash në Pyllin e Gurit të Lumit të Verdhë, pra në mal, garë e nisur të shtunën në mëngjes në provincën e Gansu, në veri të Kinës. Bëhet fjalë për tragjedinë më të madhe që godet botën e maratonave të gjata.

Mes atletëve të vdekur edhe sportisti elitar Jing Liang, 31 vjecar që kishte triumfuar në 3 edicionet e mëparshme të garës prestigjioze në vendin aziatik. Gara ku morrën pjesë 172 atletë, u ndërpre pasi disa prej tyre shfaqn shenja të hipotermisë dhe probleme fizike, si pasojë e uljes së vazhdueshme të tëmperaturave deri në zero gradë celcius, ndërkohë që sportistët ishin me veshje të lehta.

Por pastaj, pasi pushoi shiu i akullt dhe stuhitë që goditët zonën, në pasdite disa prej sportistëve rezultuan të humbur.

Vetëm në mëngjesin e së dielës, skuadrat e ndihmës së shpejtë, ku u aktivizuan mbi 700 persona gjatë gjithë natës, konfirmuan vdekjen e 21 sportistëve. 151 të tjerët janë të sigurt, jashtë rrezikut për jetën, vetëm 8 prej rtyre kanë pësuar dëme të lehta për të cilat kanë marrë ndihmën mjekësore por janë në gjendje të stabilizuar.

Shfaq komentet
comments powered by Disqus
Sot mund të lexoni Shfletoni kopertinat