Edhe një sukses i madh për Kosovës. Atleti Muhamet Ramadani ka shënuar rezultat fantastik në Kupën Evropiane.
Krenaria e atletikës dhe e Kosovës, vazhdon me suksese.
“Atleti Muhamet Ramadani fitoi medaljen e argjendtë në Kupën Evropiane të Atletikës në hedhje për U-23, që po mbahet në Leiria të Portugalisë.
Ai hodhi gjylën 7 kg. 18.60 metra”, njofton Komiteti Olimpik i Kosovës.
Kryetari i Federatës së Atletikës së Kosovës, Halil Sylejmani, e uron për suksesin, duke thënë se është një sukses i madh dhe fryt i kësaj është edhe puna që po bëhet.
