Kombëtarja e Kosovës synon rezultate sa më të mira në Kampionatin Evropian të shteteve të vogla në atletikë, e cila mbahet me 9 qershor në Lihtenshtajn. Atletët janë mjaft mirë të përgatitur dhe secila me synime sa më të mëdha.
Në këtë garë do të marrin pjesë: Edis Ahmeti (100 metra), Astrit Kryeziu (400 metra), Musa Hajdari (800 metra), Gresa Bakraçi (800 metra), ndërsa trajner Kadri Kaçanolli dhe në ekspeditë është edhe Abdurrahman Shkodra, sekretar i përgjithshëm i Federatës Atletike të Kosovës. Kryetari i Federatës, Halil Sylejmani, tha se është një kampionat interesant dhe në fakt pret edhe medalje nga atletët.