BMW-ja rikthen 26 mijë vetura hibride nën dyshimet për defekte në bateri

Auto

BMW-ja rikthen 26 mijë vetura hibride nën dyshimet për defekte në bateri

Më: 17 tetor 2020 Në ora: 13:54
BMW

BMW ka kthyer prapa një seri të veturave hibride për shkak të telasheve me pakot e baterive. Lista përfshin modelet X1, X2, X3 dhe X5, por edhe Seritë 3, 5 dhe 7.

Rikthimi vlen për modelet hibride të krijuara mes 20 janarit dhe 18 shtatorit sivjet. Sipas BMW-së, nga defekti janë të prekura 26700 vetura në gjithë botën.

Inxhinierët e BMW-së kanë thënë se kanë shqetësime mos ndotës të jashtëm janë mbyllur brenda pakove të baterive dhe nëse ekziston rreziku për zjarr.

BMW-ja nuk është kompania e vetme që ka kthyer prapa modelet e prodhuara me bateri. Edhe Fordi ka bërë të njëjtën gjë këtë verë, ndërsa Hyundai kishte kthyer disa modele Kona Electric.

Shfaq komentet
comments powered by Disqus
Sot mund të lexoni Shfletoni kopertinat