Ndryshimi i korsive është një manovër rutinë në autostradë, por edhe drejtuesit më të kujdesshëm, në disa raste, mund të mos jenë në gjendje të identifikojnë situata të rrezikshme që mund të lindin, në veçanti, në vendet me dukshmëri jo të qartë.
Për të adresuar këtë problem të përbashkët midis shoferëve, ”Ford” ka prezantuar një teknologji të re të krijuar për të ndihmuar drejtuesit e mjeteve që të shmangin përplasjet që vijnë nga mospamja e qartë gjatë udhëtimit në rrugë me shumë korsi.
Sistemi, i cili bën debutimin e tij në makinën tip ”Kuga”, kombinon Sistemin e Informacionit të Blind Spot (BLIS) dhe Sistemin e Mbajtjes së Rrugëve.
Nëse shoferi raporton një ndryshim korsie ose sistemi i kontrollit zbulon një ndryshim korsie kur një automjet afrohet në vendin që mund të çojë në një përplasje të mundshme, sistemi vepron kundër drejtimit për të paralajmëruar shoferin dhe për të dekurajuar lëvizjen.
Për më shumë se një dekadë, ”Ford” ka ofruar teknologjinë e Sistemit të Informacionit të Blind Spot (BLIS) që mund të lajmërojë shoferët për automjetet duke përdorur një dritë paralajmëruese në pasqyrën e jashtme të pasme.
Teknologjia e re e Sistemit të Mbajtjes së Rrugëve me Ndihmën e Blind Spot shkon një hap më tej, duke aplikuar forcë të butë në timon për të dekurajuar shoferët nga ndryshimi i korsive, nëse ata aksidentalisht ndeshen me trajektoren e një përdoruesi tjetër të rrugës duke evituar rrezikun.
Sensorët e radarëve të ”Kugas”, aktivizohen në shpejtësi midis 65 km/h dhe 200 km/h, janë në gjendje të skanojnë korsitë paralele deri në 28 metra pas automjetit, 20 herë në sekondë.
