Mosha e veturës më të vjetër dhe më të re në Kosovë

Auto

Mosha e veturës më të vjetër dhe më të re në Kosovë

Më: 15 janar 2022 Në ora: 14:06
Foto ilustrim

Shqiptarët thuhet se janë të pasionuar pas veturave dhe shpejtësisë. E këtë e vërtetojnë të dhënat nga Ministria e Punëve të Brendshme të Kosovës (MPB).

Afro 400 mijë automjete qarkullojnë në rrugët e Kosovës. E veturat të cilat qarkullojnë në vend janë nga më të ndryshmet, por ato që vijnë nga familja e Volkswagenit mbeten më të preferuara për qytetarët e Kosovës.

Por, sa është mosha e veturave të “meraklive”?

“Vetura më e vjetër në Kosovë është e vitit 1949, ndërsa vetura më e re është e vitit 2021”, thuhet në përgjigjen e MPB-së.

Janë 3 mijë e 318 vetura që u prodhuan në vitin 2021 e që qarkullojnë në rrugët e Kosovës. Ndërsa, është vetëm një veturë 73 vjeçare e cila po konsiderohet si vetura më e vjetër me të drejt qarkullimi në rrugët e Kosovës.

Po ashtu edhe pesë vetura tjera janë të vjetra mbi 60 vjeçe. Ndërkaq, janë 78 vetura mbi 50 vjeçare.

Ssipas statistikave të MPB-së Kosova ka më së shumti vetura rreth 20-vjeçare. Janë 26 mijë e 272 vetura me të drejt qarkullimi të prodhuara në vitin 2003. Pastaj 25 mijë e 945 mjete të prodhuara në vitin 2002 dhe 25 mijë e 134 vetura me vit të prodhimit 2004.

Gjithashtu, janë 70 mijë e 403 vetura të vjetra deri në 10 vjet.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat