Premiera e caktuar për datën 26 tetor është zhvendosur për 16 nëntor.
Lajmi është bërë i ditur përmes Twitter nga njeriu i parë i Tesla, Elon Musk, sipas të cilit deri te shtyrja ka ardhur për shkak të shtimit të prodhimit të modelit 3, i cili nuk ka arritur në nivelin e planifikuar.
Pritet që kamioni elektrik i Tesla të ketë autonominë e vozitjes ndërmjet 320 dhe 480 km, dhe do të jetë i dedikuar për distanca të shkurtra ndërmjet 160 dhe 320 km. Ndryshe, Tesla në gusht njoftoi se planifikon që të testojë sistemin e vozitjes në kamionin e vet elektrik në Nevada dhe Kaliforni.
