Jeep ka publikuar fotot e modelit të Grand Commander që do të shitet në tregun kinez.
Është një SUV me 3 palë ulëse, me deri në 7 pasagjerë, dhe projektuesit mbështeten në Grand Cherokee aktual.
Detajet teknike nuk janë të specifikuara, por thuhet se Jeep do të përdorë një motor benzinë 2.0 turbo. Besohet të jetë i njëjti motor që zhvillon 272 kuaj fuqi te Grand Cherokee.
Ndërkohë që Grand Commander është i rezervuar për konsumatorët në Kinë, Jeep po përgatit një tjetër model të madh - Wagoneer Grand, i projektuar kryesisht për tregun amerikan.
Ky model është paralajmëruar për vitin 2020 dhe do të kushtojë rreth 140.000 dollarë.
