Modeli XC40 i kompanisë së njohur suedeze Volvo është shpallur “Veturë e Vitit” në Japoni. Ajo ka marrë titullin “Car of the Year Japan 2018-2019”.
Juria i ka dhënë XC40-shit plot 363 pikë, ndërsa vendin e dytë e mori Toyota Corolla Sport me 314 pikë dhe vendin e tretë Volkswagen Polo me 197 pikë.
Ky titull në Japoni ndahet që nga viti 1980, ndërsa pjesë e jurisë janë 60 anëtarë, mes tyre gazetarë dh inxhinierë nga industria e automobilizmit.
Në këtë garë të sivjetme kanë marrë pjesën 27 vetura të reja, ndërsa në finale kanë arritur vetëm 9 prej tyre.
Në vijim po ju paraqesim listën e finalistëve:
Volvo XC40 – 363 pikë;
Toyota Corolla Sport – 314 pikë;
Volkswagen Polo – 197 pikë;
Toyota Crown – 170 pikë;
Mitsubishi Eclipse Cross – 156 pikë;
Mazda CX-8 – 111 pikë;
Alfa Romeo Stelvio – 106 pikë;
BMW X2 – 47 pikë;
Honda Clarity PHEV – 36 pikë.