Një grua e dytë është shtatzënë pas eksperimentit të studiuesit kinez që pretendon se ka krijuar “foshnjat e para të modifikuara gjenetikisht”, konfirmuan sot autoritetet kineze, duke shtuar se shkencëtari do të jetë objekt i një hetimi policor.
Ai Jiankui nxiti polemika në komunitetin shkencor botëror në nëntor të vitit 2018 pasi bëri të ditur lindjen e dy binjakëve, ADN-ja e të cilëve u modifikua për të mos u prekur nga virusi i sidës.
Menjëherë pas kësaj, ai njoftoi gjatë një forumi në Hong Kong për një shtatëzani të mundshme të një gruaje të dytë.