Babai sulmon krokodilin që po i kafshonte djalin

Azia

Babai sulmon krokodilin që po i kafshonte djalin

Më: 30 janar 2019 Në ora: 12:23
Diego Abulhasan

Një baba filipinas shpëtoi djalin e tij nga një krokodil duke kafshuar grabitqarin e rrezikshëm derisa kafsha e lëshoi të voglin.

Diego Abulhasan, 12 vjeç, ishte duke notuar me vëllain e tij më të vogël në një lumë pranë shtëpisë së familjes në qytetin Balabac, në rajonin e Palawan të Filipineve, kur një krokodil e sulmoi dhe e tërhoqi në ujë.

Babai i tyre, Tejada Abulhasan dëgjoi thirrjet për ndihmë dhe vrapoi rreth 100 metra nga shtëpia drejt lumit ku dhe u zhyt.
Me vete ai kishte marrë një dërrasë druri. Z. Abulhasan filloi ta godiste kafshën me dërrasë, por ajo nuk e lëshonte 12-vjeçarin.
Në një akt dëshpërimi, Abulhasan kapi këmbën e bishës dhe e kafshoi atë disa herë, transmeton top channel.

Mrekullisht, krokodili e çliroi djalin dhe u largua nga uji i trembur.

“Ka pasur aq shumë adrenalinë në trupin tim saqë nuk kisha kohë për të menduar. Isha duke goditur krokodilin dhe nga hiçi më erdhi ideja për ta kafshuar atë. I kafshova këmbën si një qen”, tha babai.

Diego kaloi dy net në spital para se të dilte nga ty. Ai ka disa plagë, por jo lëndime serioze.

Image
commentFirst article
Sot mund të lexoni Shfletoni kopertinat