Presidenti iranian bën thirrje për bashkim kundër armiqve - Bota Sot
Presidenti iranian bën thirrje për bashkim kundër armiqve

Azia

Presidenti iranian bën thirrje për bashkim kundër armiqve

Më: 21 mars 2019 Në ora: 09:37
Presidenti iranian, Hassan Rohani

Presidenti i Iranit, Hassan Rohani ka bërë thirrje për përfundim të konflikteve të brendshme, duke thënë se spektri politik duhet të jetë i bashkuar kundër armiqve të huaj.

Rohani i ka bërë këto komente në një fjalim të transmetuar në televizionin shtetëror më 21 mars, teksa është festuar Viti i Ri Persik, Nevruz.

Rohani ka qenë nën presion nga politikanët e linjës së ashpër në këtë shtet, pas vendimit të presidentit amerikan, Donald Trump për t’u tërhequr nga marrëveshja bërthamore e vitit 2015, që Teherani ka nënshkruar me fuqitë botërore.

Përveç kësaj, SHBA-ja ka rikthyer të gjitha sanksionet ndaj Iranit, duke i goditur sektorin e naftës dhe atë bankar.

Megjithatë, Rohani ka përkrahur marrëveshjen, e cila është është konsideruar kontraverse nga disa fraksione brenda Iranit.

Lideri iranian ka mbrojtur vendimet e udhëheqësisë së tij, duke fajësuar sanksionet e SHBA-së, për problemet ekonomike, me të cilat po përballet ky shtet.

Ndërkohë, në një fjalim të ndarë për këtë festë, lideri suprem i Iranit, Ayatollah Ali Khamenei, ka thënë se ky shtet u ka rezistuar me sukses sanksioneve amerikane “të pashembullta”, dhe i ka bërë thirrje Qeverisë që të rrisë prodhimin industrial për t’i ndihmuar ekonomisë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...