Një klerik fetar dhe studiues i njohur pakistanez i mbijetoi një përpjekjeje për vrasjen e tij.
Gjatë sulmit kundër tij në qytetin jugor të Karaçit u vranë dy roje të sigurisë dhe u plagos një tjetër klerik fetar.
Sulmi u bë në kohën kur kleriku dhe ish-gjyqtari i sheriatit në Gjykatën Supreme të vendit, Muhamed Taqi Usmani, po shkonte në një xhami për të udhëhequr lutjet e së premtes.
Shefi i policisë së qytetit, Amir Shaikh, e quajti sulmin një komplot për të sabotuar paqen në Karaçi dhe në vend.
Usmani dhe shoku i tij klerik, Maulana Amir Shahab, po udhëtonin në dy makina, kur të paktën katër persona të armatosur në dy motoçikleta hapën zjarr dhe ikën, njoftoi policia.
Kryeministri i Pakistanit, Imran Khan "dënoi fuqishëm" incidentin, përmes një deklarate të lëshuar nga zyra e tij.