Në Izrael mbahen zgjedhjet e përgjithshme

Azia

Në Izrael mbahen zgjedhjet e përgjithshme

Më: 9 prill 2019 Në ora: 09:44
Jerusalem

Në Izrael po mbahen zgjedhjet e përgjithshme, në të cilat kryeministri aktual, Benjamin Netanyahu, udhëheqës i partisë së krahut të djathtë Likud, kërkon mandatin e pestë.

Megjithatë, Netanyahu përballet me akuzat për korrupsion dhe një sfidë të fuqishme nga gjenerali i pensionuar, Benny Gantz.

Gantz, udhëheqës i aleancës së qendrës E Kaltërta dhe e Bardha, po e sfidon Netanyahun në çështjet kyçe të sigurisë, ndërsa ka premtuar një politikë më të pastër.

Rezultatet e para priten shumë shpejt pasi të mbyllen vendvotimet në orën 10 të mbrëmjes, sipas kohës lokale.

Në Izrael, asnjë parti e vetme nuk ka fituar kurrë shumicën e vendeve në parlament; ky vend ka pasur gjithmonë qeveri koalicioni.

Kjo do të thotë se kryeministër nuk është gjithmonë personi, partia e të cilit fiton më shumë vota, por personi që arrin të mbledhë së bashku parti të mjaftueshme për të kontrolluar së paku 61 nga 120 ulëset e parlamentit.

Disa sondazhe kanë sugjeruar se Netanyahu ka më shumë gjasa të formojë koalicionin, për shkak të marrëdhënieve të tij të ngushta me partitë e tjera të djathta dhe partitë fetare.

commentFirst article
Sot mund të lexoni Shfletoni kopertinat