Vritet një gazetar në Afganistan - Bota Sot
Vritet një gazetar në Afganistan

Azia

Vritet një gazetar në Afganistan

Më: 14 korrik 2019 Në ora: 12:39
Foto ilustrim

Policia afgane thotë se një gazetar është vrarë në provincën Paktia, në lindje të Afganistanit.

Trupi i pajetë i Nader Shah Sahibzada – gazetar në Radio Gardez – u gjet më 13 korrik, vetëm një ditë pasi u shpall i zhdukur.

Shefi i policisë, Mohammad Hosman Jahnbaz tha se ende nuk është e qartë nëse vrasja e tij është e lidhur me punën që Sahibzada bënte.

Deri më tani askush nuk ka marrë përgjegjësinë për vrasjen e gazetarit.

Talibanët dhe grupi militant, Shteti Islamik në të kaluarën kanë kryer sulme që kanë pasur për cak gazetarë.

Afganistani është vendi më vdekjeprurës për gazetarët në mbarë botën. Vetëm vitin e kaluar, në këtë shtet u vranë 13 gazetarë, thuhet në të dhënat e Komitetit për Mbrojtjen e Gazetarëve, organizatë me bazë në Nju Jork.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...