Dyshohet për dhjetëra të vdekur nga përmbytjet në Kashmir - Bota Sot
Dyshohet për dhjetëra të vdekur nga përmbytjet në Kashmir

Azia

Dyshohet për dhjetëra të vdekur nga përmbytjet në Kashmir

Më: 15 korrik 2019 Në ora: 13:32
Kashmir

Së paku 24 njerëz dyshohet se kanë vdekur nga përmbytjet dhe rrëshqitjet e dheut në Kashmir - pjesën e administruar nga Pakistani.

Autoriteti Shtetëror i Menaxhimit të Katastrofave tha se viktimat e dyshuara tash për tash janë të zhdukura.

Sipas burimit të njëjtë, së paku pesë vetë janë plagosur.

Edhe Pakistani, edhe India kontrollojnë pjesë të Kashmirit, i cili është i ndarë me një vijë të kontrollit.

Përmbytjet ndodhen në qytetin Lesva të Luginës Nelam, që është një destinacion popullor për turistët.

Autoritetet thanë se mbi 100 shtëpi u dëmtuan, ndërsa një xhami rrëshqiti nga dheu.

"Ushtria po e ndihmon administratën lokale në misionin e shpëtimit", tha Saqib Mumtaz, zëdhënës i Autoritetit Kombëtar të Menaxhimit të Katastrofave.

Përmbytjet u shkaktuan nga shirat monsun që preken edhe pjesë të tjera të Azisë jugore.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...